Шайбалы хоккейден Чехияда өтетін әлем чемпионатына қатысатын Қазақстан құрамасының кеңейтілген құрамы белгілі болды.
2024 жылғы әлем чемпионаты Чехияда 10-26 мамыр аралығында өтеді.
Тізімге жалпы есебі 38 ойыншы енген. Қазіргі таңда команда мүшелері Астанада оқу-жаттығу жиынын өткізуде.
Қақпашылар: Желал-Ад-Дин Әмірбеков («Номад», Астана), Никита Бояркин, Андрей Шутов (екеуі де - «Барыс», Астана), Сергей Кудрявцев («Арлан», Көкшетау)
Қорғаушылар: Әділ Бекетаев, Самат Данияр, Тамирлан Гайтамиров (барлығы - «Барыс», Астана), Данил Бутенко, Мади Диханбек, Кирилл Никитин, Хақназар Кеңесбай, Артем Королев (барлығы – «Номад», Астана), Дмитрий Бреус («Чайка», Нижний Новгород), Леонид Метальников («Адмирал», Владивосток), Валерий Орехов («Металлург», Магнитогорск), Кирилл Полохов («Арлан», Көкшетау)
Шабуылшылар: Станислав Александров, Олег Бойко, Абай Маңғысбаев, Николай Шульга (барлығы – «Номад», Астана), Әлихан Әсетов, Дінмұхамед Қайыржан, Батырлан Мұратов, Максим Мусоров, Әлихан Өмірбеков, Руслан Оспанов, Михаил Рахманов, Евгений Рымарев, Кирилл Савицкий, Аркадий Шестаков, Роман Старченко, Александр Борисевич, Аңсар Шайхмедденов (барлығы - «Барыс»), Дмитрий Гренц, Артем Лихотников (екеуі де – «Арлан», Көкшетау), Никита Михайлис, Максим Мухаметов (екеуі де – «Металлург», Магнитогорск), Кирилл Панюков («Амур», Хабаровск).
Бас бапкер – Ғалым Мамбеталиев.
Чехиядағы әлем чемпионатына баратын 25 хоккейшінің (3 қақпашы, 22 алаңдағы ойыншы) тізімі кейінірек белгілі болады.
Биылғы әлем біріншілігі  10-26 мамыр аралығында Чехияның Прага және Острава қалаларында өтеді. Қазақстан Азия құрлығынан қатысатын жалғыз құрама. Жерлестеріміз В тобында ойнайды. Қарсыластары арасында АҚШ, Германия, Швеция, Словакия, Латвия, Франция, Польша бар.