Құрлықтық хоккей лигасында ойнайтын Астананың «Барысы» өз айдынында Владивостоктан келген «Адмиралмен» кездесті.

Соңғы кездері сыннан көз ашпай жүрген беларусь маманы Андрей Скабелканың осы жолы жолы болды. Матчтың 5-минутында «Барыс» сапынан Джозеф Лабейт есеп ашса, одан кейін «Адмирал» қатарынан Максим Чудинов 16, Павел Шэн 24-минутта екі шайба соғып кетті.

Оданкейін 26-минутта Джереми Бракко таразы басын теңестірсе, Джованни Фьоре 40-минутта қайтадан «Адмирал» командасын алға шығарды.

Кездесудің 42, 53-минуттарында «Барыс» капитаны Роман Старченок қос шайба соғып, өз командасына жеңіс алып келді.

Осылайша елордалық клуб қарсыласынан 4:3 есебімен басым түсті.

Енді «Барыс» алдағы ойынын 18 қыркүйекте елордада Ресейдің «Нефтехимик» (Нижнекамск) командасымен жолығады.

«Барыс» (Астана, Қазақстан) – «Адмирал» (Владивосток, Россия) – 4:3 (1:1, 1:1, 2:1)

Шайба:
1:0.05:11 ЛаБейт (Оберг, Барбер).
1:1. 16:55 Чудинов (Горшков).
1:2. 24:49 Шэн (Чудинов, Гутик).
2:2. 26:12 Бракко (ЛаБейт, Барбер).
2:3. 40:20 Фьоре (Соловьёв, Горшков).
3:3. 42:36 Старченко (Скленичка).
4:3. 53:25 Старченко (Шайхмедденов, Шалапов).