Нұрдос Төлебай (12-0, 10 КО) – бірінші жартылай орта салмақ (63,5 келіге дейін), 6 раунд
Нұрдос Төлебайдың жекпе-жегі main card-қа енген кездесулер шымылдығын ашады. Ол биыл отандық Irfin Promotions промоутерлік компаниясы ұйымдастырған екінші бокс кешіндегі кездесуі. Айта кетейік, бұл компания басқаларға қарағанда өз іс-шараларын жарқын етіп ұйымдастырып, үнемі өте қызықты қатысушы ұсынады.
Дәл осы боксшы мен Irfin Promotions арасындағы ынтымақтастық жалғасып жатқанын құптауға болады. 8 маусымда Шымкентте өткен бокс кешінде Нұрдос Таиландтан келген WBC нұсқасы бойынша Жастар әлем чемпионы атағына үміткер болған Анусон Тонглуангты (21-5-1, 16 КО) жеңді. Қазақстандық боксшы 2-раундта қарсыласын нокаутқа жіберген еді.
Шымкенттегі жеңіс Төлебайға BoxRec сияқты беделді статистикалық порталда барлық қазақстандық кәсіпқой боксшылар рейтингінде 13-ші орынға көтерілуге мүмкіндік берді. Сонымен қатар, ол 25 жасқа дейінгі отандық үздік 5 боксшының қатарында бірінші орынға шықты.
Иә, кәсіби бокс стандарттары бойынша Нұрдос өте жас. Ол небәрі 23 жаста. Бірақ оның мансабы Irfin Promotions-пен ынтымақтастықтың арқасында өте белсенді кезеңге аяқ басты.
Осы қазақстандық боксшы туралы RingKZ порталы дайындаған "ЖОЙҚЫН НОКАУТ немесе Нұрдос Төлебайдың жаңа жекпе-жегінен не күтеміз" және "Шымкенттегі бокс кеші: Нұрдос Төлебай қарсыласын нокаутқа түсірді" материалынан оқуға болады.
Елшат Нығметолла (19-0-1, 6 КО) – жеңіл салмақ (53,5 келіге дейін), 8 раунд
Бұл боксшыға да Irfin Promotions-пен ынтымақтастық мансабын жандандыруға ықпал етіп жатқанын айта кетейік. 21 қыркүйекте Алматыда өткен бокс кешіне сәтті қатысуы оған осы промоутерлік компанияның екінші іс-шарасында өнер көрсетуге мүмкіндік берді.
Елшат - 30 жаста. Ол тәжірибелі әрі танымал боксшы. Нығметолла Қытайдың Алтайында туған қазақ. Ол өзінің кәсіби рингтегі алғашқы 15 жекпе-жегін осы Қытайда өткізді. 2019 жылдан бастап Қазақстан атынан өнер көрсетіп, өзінің тарихи Отанын таныстыру туралы шешім қабылдады.
Мамандардың пікірінше, сауатты промоутерлік қолдаудың арқасында ол да Нұрдос Төлебай сияқты шетелде көп жетістікке қол жеткізе алады. Боксшы ретінде Елшатта бұл үшін барлық қажетті қасиет бар.
Нығметолланың 21 қыркүйекте Алматыда кімге қарсы шығатыны туралы RingKZ дйындаған "Алматыда өткен бокс кешіндегі басты жекпе-жектің бірі - КОНТИНЕНТТЕР БӘСЕКЕСІ" материалынан жан-жақты танысуға болады.
Руслан Мәдиев (15-2, 6 КО), жартылай орта салмақ (66,7 келіге дейін), 10 раунд
Бұл WBA Asia чемпиондық белбеуі үшін титулдық жекпе-жек және 21 қыркүйекте Алматыда өтетін бокс кешінің басты оқиғасы болмақ.
Руслан Мәдиев - 31 жаста. Ол кәсіби бокстың ең қатал мектебінен өтті деп айтуға болады. Руслан өзінің алғашқы жекпе-жегін ғана Қазақстанда өткізді, қалған 16-сы Америка құрлығында, яғни АҚШ (14); Пуэрто-Рико (1); Мексика (1) елдерінде өтті. Мұхиттың арғы жағында ол алдымен Геннадий Головкиннің GGG командасында болды. Содан кейін GoldenboyPromotions сияқты әлемдегі ең табысты әрі ықпалды промоутерлік компаниялардың бірінде болды.
Мәдиевке берілген екі жеңіліс әлі де даулы әрі әділетсіз болып саналады. Екі жекпе-жек те оқиғалар қазақстандықтың пайдасына айқын қалыптаса бастаған сәтте тоқтатылды. Бұл екі жекпе-жек те титулдық болған еді. Біріншісі WBC International Silver белбеуі үшін, екіншісі WBO NABO нұсқасы бойынша Америка чемпионы атағы үшін өткен болатын.
Мәдиев соңғы жекпе-жегін былтыр Мексикада өткізіп, 2-раундта қарсыласын нокаутқа жіберді. Осыдан кейін Руслан күтпеген жерден мансабын аяқтайтынын мәлімдеді. Алайда, Мәдиев өзін жоғалтып алмай, жаттығуды жалғастырып жатқаны белгілі болған кезде Irfin Promotions компаниясы мұндай боксшыға міндетті түрде мүмкіндік беру керек екенін мәлімдеді. Осыған орай 21 қыркүйекте Алматыда өткен бокс кешіне қатысуды ұсынды. Оның үстіне, бұл жекпе-жек те титулдық болмақ!