ХVІІІ турдың ертерек өткізілген екі ойынына «Егемен Қазақстан» газеті спорт бөлімінің редакторы Қайрат Әбілдинов болжам жасаған. Оның қорытындысын осы турдың қалған төрт матчы өткен соң шығарамыз.

Ал V турдың ертеңгі ойындарына aktausport.kz спорт порталынын бас редакторы Асқар Ағатаев болжам жасайды. Қысқа да нұсқа:

«Шахтер – «Қайрат» – 0:3  

Алматының «Қайраты қатарынан төрт рет тең түсті. Дегенмен, Қарағандыда алматылықтар оңай жеңіске жетеді.

«Ақтөбе» – «Ақжайық» – 1:0  

Бұл екі команда чемпионат кестесінде іркес-тіркес орналасқан. Бұл ойында көп гол соғылмайды. Ойын тағдырын бір доп қана шешеді.

«Атырау» – «Астана» – 1:2

Атыраулықтарға қарағанда, былтырғы ел чемпионы – тәжірибесі мол команда. «Астана» басым түсіп, түзден тағы үш ұпай олжалайды.

«Қайсар» – «Тобыл» – 1:1

Әзірше бұл екі команда турнир кестесінің басында тұр. Екеуара ойынның тартысты өтетініне еш күмәнім жоқ. Әрі ойын тең есеппен аяқталады деп ойлаймын.

«Тараз» – «Ордабасы» – 0:2  

«Ордабасы» чемпионтты қарқынды бастады, көш бастап келеді. «Тараз» футболшыларына оңтүстікқазақстандықтарды тоқтату қиынға соғады.

«Оқжетпес» – «Ертіс» – 1:1

Алаңның сапасы жаман болса, ойыншылар өрнекті ойын үлгісін көрсете алмайды. Сондықтан кездесу тең аяқталады.