Сонымен, Қазақстан Журналистер Одағы үздік спорт журналисіне берілетін Т.Жанұзақов, С.Бердіқұлов атындағы сыйлықтардың иегері, Астанадағы Еуразиялық ұлттық университеттің оқытушысы Дүрәлі Дүйсебай ағамыздың болжамдарына назар аударыңыздар:

«Қайрат» – «Шахтер» – 3:1

Ел чемпионын ірі есеппен тізе бүктірген «Қайрат» бұл жеңіспен тоқтамайды, «Шахтерді» жеңеді деп ойлаймын.

«Тобыл» – «Қайсар» – 2:0

Қостанай футболшылары қазір ел біріншілігінде тәп-тәуір өнер көрсетіп жүр. «Қайсар» «алқынып» қалған секілді. Сырт алаңда тең ойнаған «Тобыл» өз алаңында ұтуға тиіс.

«Ордабасы» – «Тараз» – 3:1

Сырт алаңда «Оқжетпесті» ұтқан Шымкент футболшылары ежелгі қарсыласы «Тараздан» қалайда басым түсуге тырысады. Матч, әдеттегідей, тартысты өтуі керек.

«Ертіс» – «Оқжетпес» – 2:0

Ақтөбедегі жеңістен кейін қанаттанған Павлодар командасы көкшетаулықтарды еркін жеңуі тиіс.

«Астана» – «Атырау» – 3:0

Алматыда «Қайраттан» оңбай ұтылған «Астана» мұндай ірі есептің кездейсоқ «тіркелгенін» дәлелдеуі керек.

«Ақжайық» – «Ақтөбе» – кейінге шегерілді.

Көш басында – Әнуар Әбдірахманов

Өткен, ХХ турдың екі ойынына "KazFootball.kz" республикалық ақпараттық футбол порталының директоры Нағи Бақытбеков болжам жасаған. Оның болжамдарының қорытындысын ХХ турдың ойындары толық аяқталған соң түйіндеп шығарамыз.

Ескерту:

* – Әділжан Үмбет бір матчтың нәтижесін дәл тапты, ал Уәлихан Қосанбай бес ойынның жалпы есебін (екі ойынның доп айырмасын) болжап шықты. 

** – Тұрлыжан Әйтенов бес ойынның жалпы есебін тапты, ал Асқар Ағатаев үш ойынның есебін (екі ойынның доп айырмасын) шешті.

*** – VІІІ турдың екі ойыны кейінге шегерілген.