Бүгін Қазақстан Премьер-лигасы ХХХІ тур ойындары басталады. Матчтардың қалай өтетіндігі жөнінде өз болжамын бірінші кезеңде 8 ұпай жинап, финалға шыққан «Хабар» телеарнасының спорт редакторы Жандос Айтбай ұсынады.
Тараз – Тобыл 2:1
Көш соңында қалып қойған «Тараздың» көсілетін кезі осы. Егер Премьер-лигада қалуды ойласа, алаң иелері тек жеңіске жетуге тырысады.
Ақжайық – Атырау 2:1
«Ақжайыққа» да үш ұпай ауадай қажет. Сондықтан Вахид Масудов командасы «Атыраудан» айласын асырады деп ойлаймын.
Шахтер – Жетісу 1:1.
Маусымды ала құла өткізген командалар бұл турда ұпай бөліседі деп топшылаймын.
Астана – Ақтөбе 2:0
Соңғы екі ойында сүреңсіз ойнаған ел чемпиондары енді ұпай жоғалтса жағдайдың қиындап кетерін жақсы біледі. Ендеше бұл жолы «Астана» «Ақтөбені» жеңуі тиіс.
Оқжетпес – Ордабасы 1:1
Екі команданың да қола медальдан дәмесі бар. Сондықтан қарсыластар жасыл алаңда жан алысып, жан беріседі. Кездесу тең аяқталады.
Ертіс – Қайрат 1:3
"Қайрат" қарқынын жоғалтып алмаса Керекуден де олжалы қайтады.
Ал өткен жолы ел чемпионатының 3-тур ойындарына «Хабар» телеарнасының спорт редакторы Қанат Базылхан болжам жасаған. Алты кездесудің нәтижесі бойынша еншісіне 4 ұпай жазды.
| Қанат Базылханның ХХХ турға жасаған болжамдарының қорытындысы | ||
| Ойындар | Қ.Базылханның болжамы | Ұпай |
| Ордабасы – Ертіс 3:3 | 1:1 | 1 |
| Атырау – Шахтер 2:0 | 2:2 | 0 |
| Тобыл – Ақжайық 0:1 | 2:1 | 0 |
| Жетісу – Тараз 0:0 | 1:1 | 1 |
| Қайрат – Астана 2:0 | 2:1 | 1 |
| Ақтөбе – Оқжетпес 2:2 | 0:0 | 1 |
| «Болжам-бұрыш» бәйгесіне қатысқан журналистердің рейтиңгі | |||
| Орын | Журналист | Ұпай | Тур |
| 1 | Түгелбай Бисен | 6 | ХХV |
| 2 | Ермек Төрениязов | 5 | ХХVI |
| 3-4 | Қанат Базылхан | 4 | ХХХ |
| 3-4 | Әділбек Жақанов | 4 | ХХІV |
| 5 | Сәкен Сыбанбай | 3 | ХХVIII |
| 6-7 | Рауан Оқас | 2 | ХХV |
| 6-7 | Арай Ізбай | 2 | ХХVII |
«Болжам-бұрыш» айдарының ережесімен мына сілтеме бойынша танысуға болады.