«Еуро-2016» додасында финалға Португалия құрамасымен чемпионат қожайындары Франция жолдама алған болса, журналистер арасындағы «Болжам-бәйге» бәсекесінде «аламандық» Руслан Меделбек пен «жетісулық» Ришад Тұрғанбаевтың бақтары жанды.
Жартылай финалдық бәсекенің екінші жұбы – Германия – Франция кездесуіне «Қазақстан» ұлттық арнасының журналисі Еркін Шәкір мен талдықорғандық қаламгер Ришад Тұрғанбаев болжам жасаған. Екеуі де Францияның жеңісіне сенімді болды. Дегенмен, Ришад «Үш жолақтыларды» негізгі уақытта-ақ финалға «шығарса», Еркін пенальти сериясының болатынына сенімді еді. Сондай-ақ, «болжамшылардың» екеуі де голдың авторын дәл тапқан. Ал Ришад Тұрғанбаев, тіпті матчта пенальти болатынын, оны француздардың орындайтынын да тура болжаған.
Сонымен, 10 шілде финал. Сен-Дени қаласы «Стад-де-Франс» стадионы. Кім чемпион атанар екен?
| Германия – Франция 0:2 | |||||||||
| Болжамшылар | Ойын есебі | Негізгі уақыт | Экстра-тайм | Пенальти сериясы | 1-тайм | Гол авторлары | Матчтағы пенальти | Қызыл қағаз | Сары қағаз |
| Ришад Тұрғанбаев | 1:2 | 1:2 | Х | Х | 0:1 | Канте, Пайе, Гризманн | 0:1 | Х | 2:2 |
| Еркін Шәкір | 2:2 | 2:2 | 0:0 | 3:5 | 1:1 | Гризманн, Жиру, Жиньяк – Кросс, Мюллер, Гомес. | Х | 1:0 | 2:2 |