Қазақстан футбол федерациясының ресми сайты жариялағандай, Қазақстан U-19 құрамасының осы жолғы жаттығу жиыны 15 маусымға дейін созылады.

Серік Әбдуәлиев жаттықтыратын жасөспірімдер құрамасы Алматының «Қайратының» жастарымен, нақтырақ айтқанда, 21 жасқа дейінгі құрамымен жолдастық кездесу өткізіп, 3:2 есебімен жеңіске жетіпті.

Бұл кездесуде Қазақстан U-19 голдарын Кирилл Алексеев (25-минут), Наурызбек Жагоров (65-минут) және Георгий Захаренко (83-минут) соққан.

Жасөспірімдер құрамасының келесі жолдасық кездесуі 14 маусымға белгіленген. Ертеңгі қарсыласы «БН-Қаскелең» футбол клубы болмақ.

Енді кезектіоқу-жаттығу жиынына шақырылған футболшылардың тізімімен таныс болыңыздар:

қақпашылар – Бекхан Шайзада, Дархан Арғыншеев, Данил Подымский.

қорғаушылар – Әлішер Ақынов, Елжас Сарыбай, Әлібек Қасым, Мәди Айтөре, Нұрлыбек Қуанышев, Саид Мұзапаров, Кирилл Алексеев, Евгений Чернышов.

жартылай қорғаушылар – Бақдәулет Жүзбай, Наурызбек Жагоров, Рамазан Оразов, Ахмат Беріков, Акмаль Бахтияров, Илья Артюшенко,Геворг Наджарян, Роман Уханов, Артем Попов.

шабуылшылар – Жандос Сұлтан, Георгий Захаренко. 

Аға жаттықтырушы – Серік Әбдуәлиев,

аға жаттықтырушының көмекшісі – Қайрат Әубәкіров,

қақпашылар жаттықтырушысы – Тимур Оразов.