«Қазақтың Мессиі» «Уфа» клубымен келісімшартқа отырды – деп ақпарат таратқан басылымның бірі ресейлік championat.com болды. Бұл басылымның өзгелерден асып түскені, Еркебұланның жасыл алаңдағы басты мақсатын қазбалап сұраған. Сөзге тартқан. Сырын білген...
– Ресей премьер-лигасы – деңгейі өте жоғары чемпионат. Мен Испания мен Англияға ауысу үшін шүмектетіп, көп тер төгіп және жаттығып, шеберлігімді шыңдай түскім келеді. Қазақстан жанкүйерлері маған ылғи жазып, үнемі қолдап отырады. Білемін, мен – Қазақстанның үмітімін. Өкінішке қарай, бізде әзірше шет елде ойнайтын бірде-бір жоғары деңгейлі футболшы жоқ. Ал менің АПЛ мен Испания примерасында ойнаған ең бірінші қазақ болғым келеді, – деп ағынан жарылыпты Еркебұлан championat.com басылымына.