Биыл Қазақстан чемпионатының бірінші лигасында ойнап жүрген «Қайсар» ХІ-турда «Бәйтеректі» қабылдап, 6:0 есебімен үстемдік танытқан болатын. Өткен сенбіде өткен осы ойынға «Қайсар футболшылары әйгілі ауыратлет Ильиннің суреті басылған, сондай-ақ «Илья, біз сенімен біргеміз!» деген жазуы бар ақ жейде киіп шықты.

Осы ретте айта кетейік, Ильин – ауыр атлетикадан екі дүркін Олимпиада және төрт дүркін әлем чемпионы. Жақында оның 2008 және 2012 жылдары Олимпиада ойындарында алынған допинг-сынамаларының екінші сараптамасының нәтижелері жарияланған болатын. Онда Қазақстан спортшысының «қанында тыйым салынған заттар (дәрі-дәрмектер) болған» деген ақпарат тараған-ды...