Бір жыл Бірінші лигада доп тепкен «Жетісудың» Премьер-лигаға дайын екендігіне көз жеткіздік. Ал талдықорғандықтармен бірге жолдаманы жеңіп алған «Қызыл-Жар» жоғарғы дивизионға дайын ба? Күмәніміз бар...

Бірінші лигада мән қалмады. Бәрі де түсінікті. «Жетісу» ешкімді жеткізбес, ал екінші орынды «Қызыл-Жар» еншілеп, «Қайраттың» академиясы үздік үштікті қорытындылайды. Егер жүлдегерлердің орындары ауысса, онда маусым сәтті аяқталды дей беріңіз.

Маусымның аяқталуына алда әлі 10 тур бар. Дегенмен, Дмитрий Огай шәкірттерін тоқтата алар ешкім көрінбейді.

Қазақстан Премьер-лигасында «Қара құрлықтан» келген легионерлер жетерлік. Солардың бірі – «жетісулық» Боти Демел. Кот д’Ивуар ұлттық құрамасының шабуылшысымен Астанада өткен «Ақтөбе» – «Жетісу» кездесуінен кейін сұхбаттасқан едік.