Жеребе тарту қорытындысы бойынша, «А» тобының ойындарына алматылық журналист ару Айымгүл Ғалиева, «В» тобының қос кездесуіне шымкенттік сұлу журналист Шолпан Санақбай, «С» тобының матчтарына мемлекеттік қызметкер Сыйлыхан Жұмасалық және «D» тобының бүгінгі текетірестеріне «Астана» футбол клубының баспасөз қызметкері Асқар Хамиден өз пайымдарын білдірді.

Сондай-ақ, дәстүр бойынша Еуропа лигасының ойындарын да қатар алып жүруді жалғастырамыз.

Кімнің неше ұпай жинайтынын бүгінгі футбол түнінен кейін білетін боламыз. «Астана» футбол клубы бар «А» тобының үшінші турына футбол комментаторы Әділет Құсайынов, ал жеребе арқылы таңдалған «К» тобының екі кездесуіне ақын Ғабит Қадірбай өз болжамдарын ұсынды.

«Болжам-бәйге» жобамыздың ережесімен мына сілтеме бойынша танысуға болады.