«Ювентус» пен «Монако» арасындағы текетіресте туриндіктер еш қиналмастан екі кездесудің қорытындысы бойынша 4:1 есебімен жеңіске жетті. Монакодағы ойында жауапсыз екі гол соғып, өз алаңында 2:1 есебімен ұтқан апенниндіктер Чемпиондар лигасының финалына бірінші болып жолдама алды.

«Болжам-бәйге» жобамызда бұл кездесуге футбол статисі Думан Балықбаев пен спорт журналисі Мадина Асылбек болжам жасаған. Бірінші матчтан кейін екеуі де қоржындарына ұпай сала алмағанымен қосымша көрсеткіштер бойынша Мадина Асылбек алға шыққан болатын. Алайда, «Делле Альпидегі» матчта ойынның нәтижесін дәл тапқан Думан Балықбаев финалдың жолдамасын жұлып алды.

Еурокубок ойындарына арналған «Болжам-бәйгеміздің» плей-офф кезеңіндегі ережесімен мына сілтеме бойынша таныса аласыздар.