Жеребе тарту рәсімін спорт журналисі, Қазақстан жеңіл атлетика федерациясының баспасөз хатшысы Бек Төлеуов жүргізді. Алдымен Чемпиондар лигасының жұптары түзіліп, соңынан Еуропа лигасы жартылай финалының қарсыластары анықталды.

– Қайсысының финалға шығып, кімдердің жеңімпаз атанатынын болжау қиын. Чемпиондар лигасында да, Еуропа лигасында да кіл мықты «букмекерлер» қалған. Жартылай финалға кездейсоқ шыққан ешкім жоқ. Бәріне де сәттілік тілеймін. «Болжам-бәйгеге» қарағанда Еуропа төріндегі қос турнирдің фавориттерін айту оңай болып тұр. Меніңше Чемпиондар лигасының финалында «Реал» мен «Ювентус» кездесетін секілді. Ал Еуропа лигасын биыл «Манчестер Юнайтед» жеңуі тиіс, - деді Бек Төлеуов.

Еурокубок «Болжам-бәйгесінің» плей-офф кезеңіндегі ережесімен мына сілтеме бойынша таныса аласыздар.