Үшінші турда «Неміс мәшинесі» солтүстікирландиялықтарды 1:0 есебімен тізе бүктірсе, дәл осындай есеппен пандар украиндықтардан басым түсті. Бұл турда болжамшыларымыздың үшеуі бір-бір ұпайдан еншілесе, Есей Жеңісұлы екі кездесуде де қателесіп, өз тобын соңғы орынмен тәмамдады. Бірінші орын қызылордалық Әділбек Жақановта болса, екінші орын Шалқар Естенде. Еркін Шәкірдің плей-офф кезеңіне шығу-шықпауы өзге топтарға байланысты болмақ.
Естеріңізге сала кетейік, топтық кезеңде ойын нәтижесін тура тапқан қатысушыға 3 ұпай, доп айырмашылығын тапқанға 2 ұпай және матч қорытындысын дәл болжағанға 1 ұпай беріледі.
«Болжам-бәйгенің» топтық кезеңіндегі толық ережесімен мына сілтеме бойынша танысуға болады.