Ерлер арасында жылдың үздік ойыншы номинациясы Бразилия құрамасы мен Мадридтің «Реал» командасының шабуылшысы Винисиус Жуниорға бұйырды. Жеңімпаздың есімін FIFA президенті Джанни Инфантино табыстады.
Жуниор өткен маусымда Испанияның Ла лигасы мен Суперкубогын және Чемпиондар лигасын жеңіп алды. Винисиус Чемпиондар лигасының финалында «Боруссия» қақпасына гол соққан болатын.
Бразилиялық футболшы негізі «Алтын доптың» басты фавориті саналған еді. Бірақ қазан айында Парижде өткен марапаттау рәсімінде бұл награда «Манчестер Сити» жартылай қорғаушысы Родриге бұйырды.
The Best FIFA Football Awards 2024
1). Винисиус Жуниор (Бразилия, «Реал Мадрид») – 48 ұпай.
2). Родри (Испания, «Манчестер Сити») – 43 ұпай.
3).Джуд Беллингем (Англия, «Реал Мадрид») – 37 ұпай.
4).Дани Карвахаль (Испания, «Реал Мадрид») – 31 ұпай.
5).Ламин Ямаль (Испания, «Барселона») – 30 ұпай.
6).Лионель Месси (Аргентина, «Интер Майами») – 25 ұпай.
7).Тони Кроос (Германия, «Реал Мадрид») – 18 ұпай.
8).Эрлинг Холанд (Норвегия, «Манчестер Сити») – 18 ұпай.
9).Килиан Мбаппе (Франция, ПСЖ / «Реал Мадрид») – 14 ұпай.
10). Флориан Вирц (Германия, «Байер Леверкузен») – 8 ұпай.
«Бала кезімде бұл мүмкін емес болып көрінді. Мен кішкентай кезімде тек кедейшілік пен қылмысты көрдім, бұл жерге жетудің өзі мен үшін өте маңызды. Барлығына алғысымды айтамын. «Реал Мадридте» ұзақ уақыт ойнағым келеді. Сонымен қатар осы ретте өзімнің мансабымды бастаған «Фламенгоға» да алғысымды білдіремін», - дейді Винисиус Жуниор.
Әйелдер арасында жылдың үздік ойыншысы атағы Айтана Бонматиға бұйырды. Ол былтыр төрт турнирде топ жарған.
1). Айтана Бонмати (Испания, «Барселона») – 52 ұпай.
2).Барбра Банда (Замбия, «Шанхай Шэнли» / «Орландо Прайд») – 39 ұпай.
3).Каролин Грэм Хансен (Норвегия, «Барселона») – 37 ұпай.
4).Линдси Хоран (АҚШ, «Лион») – 26 ұпай.
5).Люси Броунз (Англия, «Барселона» / «Челси») – ұпай.
6).Сальма Паральюэло (Испания, «Барселона») – 22 ұпай.
7).Табита Чавинга (Малави, ПСЖ / «Лион») – 20 ұпай.
8).Хадиджа Шоу (Ямайка, «Манчестер Сити») – 19 ұпай.
9). Она Батлье (Испания, «Барселона») – 19 ұпай.
10). Наоми Гирма (АҚШ, «Сан-Диего Уэйв») – 9 ұпай.
Өзге номинациялар бойынша жеңімпаздар:
FIFA Men's Coach 2024 – ерлер командаларының үздік бапкері: Карло Анчелотти (Италия, «Реал» Мадрид);
FIFA Men's Goalkeeper 2024 – ерлер арасындағы үздік қақпашы: Эмилиано Мартинес (Аргентина, «Астон Вилла»);
FIFA Puskas Award 2024 – ерлер арасындағы үздік гол: Алехандро Гарначо (Аргентина, «Манчестер Юнайтед»), «Манчестер Юнайтед» пен «Эвертон» арасындағы матч;
FIFA Fan Award 2024 – үздік жанкүйер: Гильерме Гандра Моура (Бразилия);
FIFA Fair Play Award 2024 – адал ойын үшін сыйлық: Тиаго Майя (Бразилия);
FIFA Women's Player 2024 – әйелдер арасындағы үздік ойыншы: Айтана Бонмати (Испания, «Барселона»);
FIFA Women's Coach 2024 – әйелдер командаларының үздік бапкері: Эмма Хейз (Англия, «Челси» / АҚШ құрамасы);
FIFA Women's Goalkeeper 2024 – әйелдер арасындағы үздік қақпашы: Алисса Нае (АҚШ, «Чикаго Ред Старс»);
FIFA Marta Award 2024 – әйелдер арасындағы үздік гол: Марта (Бразилия), Бразилия мен Ямайка арасындағы матч.
Сонымен қатар жылдың таңдаулы құрамы жарияланды:
Эмилиано Мартинес, Вильям Салиба, Рубен Диаш, Антонио Рюдигер, Даниэль Карвахаль, Тони Кроос, Родри, Джуд Беллингем, Винисиус Жуниор, Эрлинг Холанд, Ламин Ямаль.
Қазақстан құрамасының өкілдері кімге дауыс берді:
Футболдан Қазақстан ұлттық құрамасының капитаны Асхат Тағыберген Джуд Беллингем, Винисиус Жуниор және Родри үшеуіне дауыс берген.
Ал бас бапкер Станислав Черчесов Винисиус Жуниор, Тони Кроос және Джуд Беллингемді таңдаған.
Ал журналист Гений Тулегенов өз кезегінде үздік үштігіне Дани Карвахаль, Родри және Эрлинг Холандты қосқан.
Жылдың үздік бапкерін таңдауда дауыс беру былай болған:
Асхат Тағыберген – Хаби Алонсо, Луис де ла Фуэнте, Пеп Гвардиола;
Станислав Черчесов – Карло Анчелотти, Пеп Гвардиола, Хаби Алонсо;
Гений Тулегенов – Луис де ла Фуэнте, Лионель Скалони, Карло Анчелотти.