«Қайсар» Түркіменстанның соңғы төрт жылдағы чемпионы «Алтын Асыр» (Ашхабад) клубын тізе бүктірді. Голдарды Тоқтар Жаңғылышбай мен Кениядан келген шабуылшысы Пол Вере салыпты.

«Ақжайық» былтыр Украинаның 1-лигасында 10-орынға табан тіреп тұрған «Оболонь-Бровар» клубын бір доп айырмасымен ұтты. Жалғыз голды Орал командасының жаңа ойыншысы Игорь Худобяк соғыпты.

«Ертіс» Ресейдің 1-лигасында ойнайтын, әзірше 17-орынға саялап тұрған (барлығы – 20 команда) «Томь» клубымен тең түскен. Ал «Ордабасы» Грузияның өткен маусымдағы күміс жүлдегері «Динамо» (Тбилиси) клубына есе жіберіп алды. Жалғыз голды Мардан Төлебек соққан.

«Атырау» былтыр Беларусь чемпионатында 11-орынға ие болған «Ислочь» клубынан ұтылса (голды Предраг Сикимич соққан), «Қызыл-Жар» Украина чемпионатының 1-лигасында 12-орынға жайғасқан «Рух» клубына екі доп айырмасымен есе жіберіп алған.

«Қайсар» – «Алтын Асыр» (Түркіменстан) – 2:0

«Ақжайық» – «Оболонь» (Украина) – 1:0

«Ертіс» – «Томь» (Ресей) – 0:0

«Ордабасы» – «Динамо» (Тбилиси, Грузия) – 1:3

«Атырау» – «Ислочь» (Беларусь) – 1:2

«Қызыл-Жар» – «Рух» (Украина) – 0:2