Биылда Қазақстан суперкубогын «Астана» мен «Қайрат» сарапқа салады. Себебі, елорда клубы 2017 жылы ел чемпионы атанса, алматылықтар кубокты жеңіп алған болатын. Енді екеуі 4 наурыз күні «Астана-Арена» стадионында суперкубокқа таласады. Матчтың басталуы – 15:00-де.

Осыған орай, Қазақстан кәсіпқой футбол лигасы суперкубок матчының билеттері сатылымға шыққанын жариялады. Билеттерді «Тикетон» қызмет көрсету сайтынан және Астанадағы «Меломан», «Керуен» ОСО және «Мечта» СО серіктес-дүкендерінен сатып алуға болады екен.  

Ал билеттердің бекітілген бағасы төмендегідей:

• Шығыс, Солтүстік және Оңтүстік трибуналардағы барлық секторлары – 500 теңге,
• Батыс трибунадағы W1, W2, W8 секторлары және осы трибунаның 2 қабаттағы барлық секторлары – 800 теңге,
• Батыс трибунасы (1-санат): W3, W4, W5, W6, W7 секторлары – 1000 теңге.