«Ордабасы» футбол клубының ресми сайты шабуыл өтіне май құйып отыратын жартылай қорғаушыларының өз қатарларына қосылғанын бүгін ресми түрде мәлімдеді.

30-дан асқан жартылай қорғаушы 2016 жылғы маусым айының аяғына қарай «Астанаға» ауысқан болатын. Өзара келісім бойынша жалға беріліпті. Алайда оның мерзімі желтоқсан айында түгесілген екен.

Нұрғалиев болса, қаңтардан бері «Астана» клубымен БАӘ және Түркияда өткен екі оқу-жаттығу жиынына қатысып келді. Енді, өзінің бұрынғы командасына оралып отыр.

Азат өткен маусымда «Астана» сапында 11 ойын өткізіп, алты гол соққан болатын. Ал Еурокубок додаларында жасыл алаңға алты рет шығып, бір гол соқты. Енді «Ордабасы» ойынын түлетуге тырысады.

Айтпақшы, Нұрғалиев «Астанадан» «Ордабасы клубына оралып отырған бірінші футболшы емес. Бұған дейін, желтоқсан айының соңында Таңат Нөсербаев та елордадан Шымкентке ойысқан болатын.