Екінші лиганың үздік ойыншыларын анықтау үшін сауалнама жүргізіліп, онда осы лигада ойнайтын командалардың бапкерлері дауыс берді. Үздіктер екі номинация бойынша анықталды – «Үздік ойыншы» және «Үздік бапкер».
Әрі дауыс беру кезінде әрбір команданың бапкері басым тізілімде үш ойыншыны (бапкердің) аты-жөнін атауы тиіс болатын. Онда бірінші жазылған ойыншыға үш, екіншісіне екі, ал үшіншісіне бір ұпай беріледі.
Осы сауалнаманың қортындысы бойынша «Екінші лиганың үздік ойыншысы» атағын «ОРСБЖМ №7» (Шымкент) командасының 21 жастағы сұрмергені Бекжан Әбдірахман мен оның құрдасы, «Тобыл-U21» (Қостанай) клубының шабуылшысы Евгений Каптел өзара бөлісті.
Екеуі де 13 ұпай жинапты (2 – бірінші орын, 3 – екінші орын, 1 – үшінші орын. 2016 жылғы маусымда Бекжан Әбдірахман 25 ойында 27 гол соқса, Евгений Каптел 24 матчта 20 рет мергендігімен көзге түсті.
Үштікті 12 ұпаймен «Қайрат-U21» (Алматы) командасының жартылай қорғаушысы Мадияр Райымбек түйіндеді (3 – бірінші, 1 – екінші және 1 – үшінші орындар).
Төртінші орынға 8 ұпаймен «Шахтер-U21» командасының шабуылшысы Оралхан Өміртаев (0, 2, 4), ал бесінші орынға 7 ұпаймен «Астана-U21» ұжымының жартылай қорғаушысы Мәди Жақыпбаев (1, 2, 0) иеленді.
Ал «Екінші лиганың үздік бапкері» номинациясына «Қайрат-U21» командасының жаттықтырушысы Максим Шевченко теңдессіз танылды. Ол 35 ұпай жинап өзгелерден өара үзіп кетті (11 – бірінші, 1 – екінші орын). Ал екінші орындағы Олег Лотовтың («Тобыл-U21») еншісінде – 16 ұпай.
«Екінші лиганың символикалық құрамасы» төмендегідей:
қақпашы – Олег Грубов («Қайрат-U21»);
орталық қорғаушылар – Дильшат Мұсаев, Әлібек Қасым (екеуі де – «Қайрат-U21»);
сол қапталдағы қорғаушы – Александр Жуков («Тобыл-U21»);
оң қапталдағы қорғаушы – Александр Стародубов («Қайрат-U21»);
қорғанысқа тірек болар қорғаушы – Мәди Жақыпбаев («Астана-U21»);
сол қапталдағы жартылай қорғаушы – Рашид Люхай («Қайрат-U21»);
оң қапталдағы жартылай қорғаушы – Мадияр Райымбек («Қайрат-U21»);
ортадағы жартылай қорғаушы – Наурызбек Жагоров («Атырау-U21»);
сол қапталдағы шабуылшы – Оралхан Өміртаев («Шахтер-U21»);
оң қапталдағы шабуылшы – Бекжан Әбдірахман («ОРСБЖМ №7», Шымкент).