Астанада өткен Кәсіпқой футбол лигасының жалпы жиналысында 2017 жылғы футбол маусымының ресми добы бекітіліп, «Адидастың» Krasava добы таңдалды. Яғни, тек Премьер-лига клубтары ғана емес, Бірінші және Екінші лига клубтары да осы доппен ойнайтын болады. Ал өткен маусымда футболшыларымыз «Еуро-2016» додасына арналған Beau Jeu добымен ойнаған болатын.  

Конфедерация кубогы келесі жылдың 17 маусымы мен 2 шілдесі аралығында Ресейдің Қазан, Мәскеу, Санкт-Петербург және Сочи қалаларында өтеді. Турнирге алты құрлықтың чемпиондары, алаң қожайындары және әлем чемпионы қатысады. Олар: Азиядан – Аустралия, Оңтүстік Америкадан – Чили, Солтүстік Америкадан – Мексика, Еуропадан – Португалия, Мұхит аралдары конфедерациясынан – Жаңа Зеландия және соңғы әлем чемпионы Германия мен 2018 жылғы әлем чемпионатының қожайындары Ресей.

Ал Қазақстан чемпионатының жаңа маусымы шамамен 2017 жылдың наурыз айында басталады.