Сәуірдің 10-ы күні басталған Бірінші лига 30 қазанда көмбесіне жетті. Барлығы 10 команда қатысқан. Бірінші кезеңнен кейін командалар екі топқа бөлініп, үздік алтылық Премьер-лига жолдамасына таласса, қалған төртеуі Екінші лигаға түскен команданы анықтады.
Биылғы Бірінші лиганың жеңімпазы – «Қайсар». Олар бар болғаны бір-ақ кездесуде жеңілген. Семейде «Алтайдың» алдында тізе бүккен болатын. Бір команданы төрт кездесуде де ұтқан бір-ақ команда бар. Ол – «Қызыл-Жар». Биыл петропавлдықтар «Екібастұздан» төрт ойында да үш ұпайдан алған.
Биыл төрешілер барлығы 34 рет пенальти белгілеген. Дегенмен, «Алтай» екі рет және «Қайсар» бір рет пенальти тебуде қателескен.
Ресми қорытынды деректер:
Бірінші лиганың 2016 жылғы жеңімпазы – «Қайсар» (Қызылорда)
Бірінші лиганың 2016 жылғы күміс жүлдегері – «Алтай» (ШҚО)
Бірінші лиганың 2016 жылғы қола жүлдегері – «Қызыл-Жар» (Петропавл)
2017 жылғы Премьер-лига жолдамасын жеңіп алған команда – «Қайсар»
2017 жылғы Премьер-лиганың екінші жолдамасын сарапқа салатын командалар – «Тараз» бен «Алтай»
Екінші лига қорытындысы бойынша 2017 жылғы Бірінші лига жолдамасын жеңіп алған команда – «Қайрат-2» (Алматы)
Бірінші лигадан Екінші лигаға түсіп қалған команда – «Бәйтерек» (Астана)
Ең, ең, ең...
Ең көп ұпай жинаған команда – «Қайсар» (67),
Ең аз ұпай жинаған команда – «Бәйтерек» (13),
Ең көп жеңіске жеткен команда – «Қайсар» (20),
Ең аз жеңіске жеткен команда – «Бәйтерек», «Байқоңыр» (4),
Ең аз жеңілген команда – «Қайсар» (1),
Ең көп жеңілген команда – «Бәйтерек» (19),
Ең көп тең түскен команда – «Қызыл-Жар» (9),
Ең аз тең түскен команда – «Қыран», «Бәйтерек» (1),
Ең көп гол соққан команда – «Қайсар», «Алтай» (49),
Ең аз гол соққан команда – «Бәйтерек», «Байқоңыр», «Екібастұз» (17),
Ең аз гол жіберген команда – «Қайсар» (9),
Ең көп гол жіберген команда – «Бәйтерек» (62),
Ең көп пенальти тепкен команда – «Қызыл-Жар» (9)
Ең аз пенальти тепкен команда – «Қыран», «Бәйтерек», «Екібастұз» (1).