Оқу-жаттығу жиыны Талғардағы базада өтіп жатыр. Қазақстан-U19 құрамасы 3 қазанға дейін дайындықтарын пысықтап, Брюссельге аттанады. Ал 6-11 қазан аралығында 2017 жылғы Еуропа чемпионатының іріктеу турнирі өтеді. Серік Әбдуәлиев жаттықтыратын бозбалаларымыздың қарсыластары – Бельгия, Рсей және Финляндия жасөспірімдері.

Қазақстан-U19 құрамасының бапкерлері кеңейтілген тізімге 23 футболшыны енгізіпті. Бірақ олардың 18-і ғана Брюссельге барады. Енді оқу-жаттығу жиынына шақыртылған жас футболшыларымыздың тізімімен танысыңыздар:

қақпашылар – Ислам Нұрбаев, Бекхан Шайзада, Данил Подымский;

қорғаушылар – Мәди Айтөре, Әлібек Қасым, Нұрлыбек Қуанышев, Ерасыл Аманжол, Сағадат Тұрсынбай, Саид Мұзапаров, Кирилл Алексеев,  

жартылай қорғаушылар – Рамазан Оразов, Рауан Орынбасар, Илья Артюшенко, Геворг Наджарян, Роман Уханов, Артур Шушеначев, Артем Попов;

шабуылшылар – Наурызбек Жагоров, Мұхит Жақсылық, Алтынбек Төлеев, Әділ Аслан, Акмаль Бахтияров, Бақтияр Зайнутдинов.

Аға жаттықтырушы – Серік Әбдуәлиев,

аға жаттықтырушының көмекшісі – Қайрат Әубәкіров,

қақпашылар жаттықтырушысы – Тимур Оразов.

2017 жылғы Еуропа чемпионатының іріктеу турнирі. І-топ.

Ойындар күнтізбесі:

6 қазан

Қазақстан – Бельгия

Ресей – Финляндия

8 қазан

Қазақстан – Ресей

Бельгия – Финляндия

11 қазан

Қазақстан – Финляндия

Бельгия – Ресей

Осы ретте айта кетейік, 2017 жылғы Еуропа чемпионатының іріктеу турнирінің алғашқы сатысында төрт құрамадан 13 топ бар. Осы топтарда 1-2 орын алғандар келесі кезеңге шығады. Оларға үшінші орын алған құрамалардың ішіндегі техникалық көрсеткіші ең жоғарысы да қосылады. Екінші електік ойындар көктемде ұйымдастырылып, онда жеті топ түзіледі.