«Қайрат» футзал клубының ресми сайты Қазақстан ұлттық құрамасының Таиландта жалауы желбірейтін халықаралық турнирге қатысатындығын жариялады.

Аталмыш турнир 20-23 тамыз аралығында «Бангкок-Арена» спорттық кешенінде өтеді екен. Оған төрт елдің ұлттық құрамасы қатысады. Олар – Қазақстан, Иран, Жапония және Таиланд.

Ойындар кестесі:

20 тамыз

Таиланд – Жапония

Иран – Қазақстан

21 тамыз

Таиланд – Иран

Жапония – Қазақстан

23 тамыз

Таиланд – Қазақстан

Иран – Жапония

Бір қызығы, осы төрт құраманың үшеуі, яғни Жапония жігіттерінен басқасы, 10 қыркүйектен 1 қазанға дейін Колумбияда өтетін ХІІІ әлем чемпионатына қатысады. Бірақ үшеуі – әр топта.

Естеріңізе сала кетейік, Қазақстан ұлттық құрамасы Аргентина, Коста-Рика және Соломон аралдары футзалшыларымен «Е» тобына түскен. Бас бапкеріміз, Бразилия маманы Какау әлем чемпионатына дайындалатын ойыншылардың кеңейтілген тізімін жариялап та қойған.