2015 жылғы ел чемпионатында стадионға ең көп жанкүйер жинаған Алматының «Қайраты» екен. Орта есеппен «Қайраттың» үйдегі (өз стадионындағы) әрбір ойынына 8 675 көрермен келген.

Еліміздегі Кәсіпқой футбол лигасы өткен мауcымның қорытындыларын шығарып, жариялай бастады. Жақында Қазақстан премьер-лигасы мен бірінші лигасындағы ойындарда стадионға келген көрермендер санын түзіп шықты.

Биылғы маусам аралығындағы жағдай жылдағыдай емес. Күрмеуі күрделі мәселе көп. Алдағы маусымда қай клубта ойнайтындарын білмей, зыр қағып жүрген футболшылар да баршылық. Тағы да топ-тобымен, лек-легімен команда өзгерту байқалады.