«Осы жылдың басты додасы Париж Олимпиадасы мен Паралимпиада екені анық. Біздің құрама тарихи жетістіктерге қол жеткізді. Дзюдошы Елдос Сметов Олимпиада чемпионы атанды. Бұл – Тәуелсіз Қазақстан тарихында дзюдодан бұйырған алғашқы алтын медаль. Гимнастикадан алғаш рет Олимпиада медалін жеңіп алдық. Ол жүлде Нариман Құрбановқа бұйырды. Давид Дегтярев пара-пауэрлифтингтен екі дүркін Паралимпиада чемпионы атанды. Пара-дзюдошы Ақмарал Науатбек Олимпиада шыңын бағындырды», - деді Туризм және спорт министрі Ербол Мырзабосынов.
Сонымен қатар биыл Астанада 5-ші Дүниежүзілік көшпелілер ойыны ұйымдастырылды. Көшпелілер додасында 89 елдің спортшылары бақ сынады. Дүбірлі додада Қазақстан құрамасы жалпыкомандалық есепте топ жарды.
«Мемлекет басшысы Қасым-Жомарт Кемелұлы Тоқаевтың қолдауымен спорт саласында оң өзгерістер басталды. Келесі жылы отандық спортшыларды бірнеше байрақты бәсеке күтіп тұр. 2025 жылдың ақпан айында спортшыларымыз Қытайдың Харбин қаласында өтетін қысқы Азия ойындарына қатысып, қысқы Олимпиада лицензиясы үшін сынға түседі. Тарих қойнауына еніп бара жатқан 2024 жылы спортшыларымыз жаман нәтиже көрсеткен жоқ, жаңа жылдан одан да үлкен жеңістер күтеміз», деді Ербол Мырзабосынов.
Жылдың үздік спортшысы:
Елдос Сметов (Дзюдодан Париж Олимпиадасының чемпионы)
Давид Дегтярев (Жазғы Паралимпиада ойындарының 2 дүркін чемпионы)
Жылдың үздік жаттықтырушысы:
Ғалымжан Жылгелдиев (Елдос Сметовтің жеке бапкері), Юрий Колесников (Давид Дегтяревтің жеке бапкері)
«Спорттағы үздік серпін»:
Ақмарал Науатбек (Пара дзюдодан Париж Паралимпиадасының чемпионы)
«Жас және жасөспірімдерқұрамындағы спортшы»:
Илья Мизерных (Шаңғымен тұғырдан секіруден жасөспірімдер арасындағы қысқы Олимпиада ойындарының чемпионы)
Жылдың үздік аккредиттелген спорт федерациясы:
Грек-рим, еркін және әйелдер күресіфедерациясы
Жылдың үздік аккредиттелген спорт федерациясының президенті:
Қуанышбек Есекеев, Қазақстан дзюдо федерациясының президенті
«Үздік спорт меценаты»:
Еркебұлан Ілиясов, «Жамбы ату федерациясы» РҚБ президенті
«Жылдың үздік ауыл жаттықтырушысы»:
Ғизат Түсіпаев
«Ауылдық жердегі үздікдене шынықтыру және спорт әдіскері»:
Ерлан Тасболатов
«Ауылдық жердегіүздік дене шынықтыру және спорт нұсқаушысы»:
Дархан Шариғатов
«Аудандық үздік дене шынықтыру және спорт бөлімі»:
Мақат аудандық мәдениет, тілдерді дамыту, дене шынықтыру және спорт бөлімі
«Жылдың үздік спорт ұйымы»:
Алматы қаласындағы «Жоғары спорт шеберлігі мектебі
«Үздік спорттық өңір»:
Жамбыл облысы әкімдігінің дене шынықтыру және спорт басқармасы
«Жылдың үздік балалар жаттықтырушысы»:
Сергей Сергеев
«Дене шынықтыру және спорт саласындағы үздік маман»:
Надежда Ким
Сейдахмет Бердіқұлов атындағы сыйлықтың лауреаттары:
Жандос Айтбайұлы («Хабар» телеарнасы)
Қуаныш Нұрданбекұлы («Егемен Қазақстан» газеті)
Назерке Сұлтанбек («Sport+» сайты).