Қазақстан ұлттық құрамасының жаңа бас бапкері өзінің алғашқы жиынына негізінен "Астана" мен "Қайраттың" ойыншыларын шақыртыпты. Бұл тізімді бүгін ҚФФ ресми сайты жариялады. Енді, бірден осы құрама сапына көз жүгіртіп шықсақ:

қақпашылар – Ненад Эрич, Александр Мокин (екеуі де – «Астана»), Владимир Плотников («Қайрат»);

қорғаушылар – Абзал Бейсебеков, Юрий Логвиненко, Дмитрий Шомко, Сергей Малый, Евгений Постников (бәрі де – «Астана»), Елдос Ахметов, Нұралы Әліп, Ғафуржан Сүйімбаев, Станислав Лунин (бәрі де – «Қайрат»);

жартылай қорғаушылар – Бауыржан Исламхан, Исламбек Қуат, Георгий Жуков, Магомед Парагульгов (бәрі де – «Қайрат»), Серікжан Мұжықов, Бактиер Зайнутдинов, Юрий Перцух (бәрі де – «Астана»);

шабуылшылар – Еркебұлан Сейдахмет («Уфа», Ресей), Еркебұлан Тұңғышбаев, Сергей Хижниченко (екеуі де – «Ордабасы»), Алексей Щеткин, Роман Муртазаев, (екеуі де – «Астана»).

Қосалқы құрам:

қорғаушылар – Дмитрий Мирошниченко, Виктор Дмитренко (екеуі де – «Тобыл»), Александр Марочкин («Қайсар»).

ҚФФ ресми сайты премьер-лиганың екінші турынан кейін ұлттық құрама сапына шақыртылған футболшылар тізімінде өзгерістер болуы мүмкін екендігін де мәлімдеген...

Естеріңізге сала кетейік, Қазақстан құрамасы 23 наурыз күні Будапештте Венгриямен, ал 26 наурызда Венгрияның Фельчут қаласында Болгария құрамасымен жолдастық кездесулер өткізеді.