Шотландияның Эдинбург қаласында 17 жасқа дейінгі қыздар арасындағы 2017 жылғы Еуропа чемпионатының 6-електік тобындағы доп додасы аяқталды. Қазақстан U-17 құрамасының қыздары үш ойын өткізіп, үшеуінде де ірі есеппен ұтылды.

Әуелі Франция U-17 құрамасы қыздарынан 0:17 есебімен күйрей ұтылса, одан кейін Шотландия бойжеткендерінен 0:8 есебімен ойсырай жеңілді. Ал бүгін түнде Хорватия аруларынан 0:3 есебімен ұтылып қалды.

Негізі, хорват қыздары да алғашқы екі ойында жеңілістің кермек дәмін татқан болатын. Шотландия және Франция бойжеткендерінен бірдей есеппен, яғни 0:4 болып ұтылып қалған. Бірақ бүгін біздің қыздарымыздан басым түсті.

Украина маманы Роман Заев жаттықтыратын Қазақстан U-17 құрамасы болса, Шотландиядағы електік турнирде үш рет ірі есеппен ұтылып, бірде-бір соға алмай, пұшайман болды.   

Сонымен, қыздар арасындағы 2017 жылғы Еуропа чемпионатының 6-електік тобындағы іріктеу турнирі аяқталды. Осы төрттіктегі соңғы матчта Франция қыздары Шотландия бойжеткендерін 4:0 есебімен тізе бүктіріп, бірінші орынға ие болды.

Қазақстан U-17 – Хорватия U-17 – 0:3

Голдар: Кларич, 3. Спаич, 19. Спаич, 43.

Қазақстан U-17: Алмасбай, Жақсымбай, Флют, Иванюк, Кұрманғазина (Серікбай, 36), Низамутдинова, Ақбаева (Скуфина, 41), Михайлова (Ақшалова, 41), Төлегенова, Әділханова, Багулли.

Хорватия U-17: Толич, Тариташ, Копич, Бартолович, Чаневац (Бурчул, 71), Павичич, Пернар, Яковац (Томкич, 53), Спаич, Геголай (Едвай, 41), Кларич.

Бас төреші: Реелика Тури (Эстония).

Ойынның қысқаша статистикасы:

Соққы: 6 – 16

Тура соққы: 4 – 9

Қиыс кеткені: 1 – 6

Тойтарылғаны: 1 – 1

Бұрыштама соққылар: 2 – 3

Офсайдтар: 0 – 7

Ескерту (сары қағаз): 0 – 1

Ереже бұзу: 15 – 10