Егер «Қайрат» түзде «Скендербеуді» тізе бүктірсе, онда Еуропа лигасының келесі сатысында «Шемрок Роверс» (Ирландия) және «Млада Болеслав» (Чехия) жұбының жеңімпазымен кездеседі. Бірінші ойын Дублинде өтіп, қонақтар жеңіске жеткен (2:3).

Енді келесі аптада Ирландиядан келетін қонақтарынан ірі есеппен ұтыла қоймас. Чехия клубы өз алаңында тең түссе де, шығып тұр. Ал «Қайрат» Алатау бөктерінде Албанияның «Скендербеу» клубымен тең түскен (1:1). Бас бапкері Кахабер Цхададзе «енді түзде жеңіске жетеміз» деп отыр...  

Ал «Ертіс» бағы жанып, түзде «Црвена Звездадан» айласын асырса, онда Еуропа лигасының үшінші іріктеу сатысында Праганың «Спарта» клубымен кездеседі. Павлодар клубы да өз алаңында Сербия командасымен 1:1 есебімен тең түскен. Енді бәрі Белградта шешіледі.  

Сөз соңында айта кетейік, Еуропа лигасының үшінші іріктеу сатысындағы бірінші ойындар 27 шілде күні, ал қарымта матч 3 тамызда өтеді. «Қайрат» келесі кезеңге шықса, әуелі түзде, содан кейін өз алаңында ойнайды. Ал «Ертістің» асығы алшысынан түсіп, «Црвена Звездадан» өтсе, онда бірінші ойынын Павлодарда өткізіп, одан кейін Чехияға барады.