Ертең кешке «Астана» Юрмалада жергілікті «Спартакпен» 2017/2018 жылдар маусымндағы Чемпиондар лигасы додасын бастайды. Біздің болжамшылары-мыздың бәрі де ел чемпионының Латвияда жеңіске жететініе бек сенімді. Бәрекелді, айтқандары келсін дейміз.

Ал «Қайраттан» сезіктенетіндер де бар екен. «Скендербеу» осал қарсылас емес, әрине. Әйтсе де, Алматы клубы жеңіске жетеді деп ойлайтындар аз емес. Әрі 2-3 доп айырмасымен басым түсіп, қарымта матчқа еңсесін тіктеп баратындығына сенеді, көпшілік.

Өкінішке қарай, «Ертіске» шежіресі мол, азулы қарсылас тап болды. Біздің болжамшыларымыздың көбісі Димитар Димитровтың шәкірттері “жеңілістің кермек дәмін татады” деген пікірде. Ал біз Павлодар клубының жанкешті жігіттеріне сенеміз...