Кубок үшін «Астана» және «Жеңіс» командалары сынға түсті. Матчтың негізгі уақытында «Астана» допқа көбірек иелік етті. Бірақ есеп ашылмады. Кубоктың тағдыры тек овертаймда ғана шешілді. 104-минутта Карло Бартолец алғашқы голды соқса, 120+1 минутта гвинеялық шабуылшы Усман Камара есепті ұлғайтты.
«Бұл турнир біз үшін өте маңызды. Бүгін түркі әлемінің туристік астанасы – Түркістан қаласында нағыз футбол мерекесі мен маусымның жарқын аяқталғанына куә болдық. Клубтарға, құрметті серіктестерімізге, Түркістан облысының басшылығына отандық футболды дамытуға үлес қосқаны үшін және қолдау танытқан жанкүйерлерге алғысымды білдіремін. «Астана» футбол клубын кубогымен құттықтап, сәттілік тілеймін!», - деді Qazaqstan Football League президенті Ғани Қайназаров.
Айта кетейік, «Астана» QFL лига кубогындағы жеңісі арқылы өз тарихындағы жүлде санын 17-ге жеткізді. Бұндай жетістікке әзірше өзге отандық клубтар жетпеген. Елордалық ұжым финалға дейін «Каспий» мен «Шахтерді» жеңіп, D тобында көшбасшы болды. Ал жартылай финалда матч соңындағы пенальти сериясы арқылы «Елімайдан» басым түсті. Кубокпен қатар, Григорий Бабаянның шәкірттері 90 миллион теңге сыйақы алса, «Жеңіс» клубы 50 миллион теңгеге иелік етті.
«Жеңіс» (Астана) – «Астана» (Астана) – 0:2
Голдар: Карло Бартолец, 104 (1:0). Усман Камара, 120+1 (2:0).
Ескертулер: Жоао Оливейра 56 – Алекса Аманович 57, Макс Эбонг 68, Усман Камара 78, Ян Вороговский 96, Исламбек Қуат 115
«Жеңіс»: Мирослав Лобанцев (Қ) – Матия Ром, Кристиан Новак (Ян Труфанов 106), Зураб Тевзадзе, Сағи Совет (Берік Айтбаев, 73) – Марин Беланчич, Сергей Волков, Жоао Оливейра, Бруно Силва – Адилио Дос Сантос, Георгий Панцулая (Лукас Будинский, 81);
«Астана»: Мұхамеджан Сейсен (Қ) – Ян Вороговский (Марат Быстров, 108), Бранимир Калаица, Кипрас Кажуколовас, Карло Бартолец – Макс Эбонг (Александр Марочкин 114), Алекса Аманович, Назми Грипши – Усман Камара, Марин Томасов (Исламбек Қуат, 114), Чинеду Джеффри (Рамазан Кәрімов, 90);
Төрешілер: Санжар Ысқақов (Костанай), Денис Виноградов (Петропавл), Алексей Шабанов (Алматы)