Футболшылардың нарықтағы бағасын анықтаумен айналысатын немістің transfermarkt.de сайтындағы мәліметтерге сүйенсек, Қазақстан ұлттық құрамасының жалпы құны 22 миллион евроға жуық екен. Ал мадиярлардың құрамы 32 миллион евродан сәл ғана астам. 

Сондай-ақ, тағы бір мәлімет. Қазақстан құрамы өз чемпионатымыздағы ойыншылардан құралған. Ал Венгрия сапындағы 13 футболшы басқа елдің чемпионаттарында ойнайды. Ойыншылары шығыста Қытайдан бастап, батыста АҚШ-қа дейін шашылып жатыр.  

Қазақстанның ең қымбат ойыншылары – қорғаушы Дмитрий Шомко мен команда капитаны Бауыржан Исламхан. Екеуі де 2 миллион евро тұрады. Ал Венгрия сапында 4,5 миллион евро тұратын екі ойыншы бар. Біріншісі – Петер Гулачи. Габор Кирай ұлттық құрамадан кейін 1-ші нөмірді өзіне алған «Лейпциг» қақпашысы былтырдан бері негізгі құрамда шығып жүр. Екіншісі – АҚШ-тың «Чикаго Файр» командасында ойнайтын сұрмерген Неманья Николич.

Сонымен, футболшыларының бағаларын білу үшін төмендегі кестеге көз жүгіртіңіздер.