– Құралбек аға, кешегі Румыния – Қазақстан ойыны жайлы сіздің пікіріңізді естісек деп едік.

– Шынын айтсам, мен бұл матчты көрген де жоқпын. Сондықтан, менің тарапымнан пікір білдіру әбестік болатын шығар. Артық айтып қойсам, ертең болып кетер.

– Сіз мұндай ойындардың бірде-бірін жібермеуші едіңіз ғой.

– Ұтылатынымызды білген соң ойынды көрген де жоқпын. Жүрегімді ауыртқым келмеді.

– Ендеше екі күннен кейін өз алаңымызда Арменияны ұта аламыз ба?

– Ұтуымыз керек. Біздің футболшылардың шамасы жетеді деп ойлаймын. Осы маусымның соңғы ойыны, оның үстіне, өз алаңымызда болатын матч. Жанкүйерлердің алдында жігіттер барын салулары тиіс.

– Ал ұлттық құрамамыздың бас бапкері Александр Бородюкті келесі жылға алып қалу қажет деп ойлайсыз ба?

– Ол ұлттық құрамамен қанша уақытқа келісімшартқа отырған?

– Үш жыл ғой. Біріншісі аяқталып қалды. Енді тағы екі жыл қалды.

– Үш жыл? Мәссаған!

– Келесі жылға қалдыру керек деп ойлайсыз ба?

– Білмеймін, еш нәрсе айта алмаймын. Оның жұмысына ҚФФ басшылары, Байшақовтар өздері жауап берсін.