Екінші оқу-жаттығу жиыны барысында төрт жолдастық кездесу өткізу жоспарланыпты. Қарсыластары да белгілі екен – «ДАК» (Словакия), «Фастав Злин» (Чехия), «Славия» (Болгария) және «РНК Сплит» (Хорватия).
«Қайраттың» бас бапкері Кахабер Цхададзе екінші оқу-жаттығу жиынына мына футболшыларды әкетіпті:
қақпашылар – Стас Покатилов, Владимир Плотников, Олег Грубов;
алаңдағы ойыншылар – Исламхан Бауыржан, Исламбек Қуат, Елдос Ахметов, Ермек Қуантаев, Бауыржан Тұрысбек, Ғафуржан Сүйімбаев, Тимур Рудосельский, Ян Вороговский, Станислав Лунин, Жарко Маркович, Исаэль Барбоза, Жерар Гоу, Сезар Арзо, Михаил Бакаев, Әлібек Касым, Мадияр Райымбек, Дильшат Мусаев, Айбол Әбікен, Ойбек Балтабаев, Андрей Аршавин, Георгий Жуков, Максим Гладченко.
Өздеріңіз де байқап отырған боларсыздар, команда сапында Герсон Асеведо (Чили) және Бруно Соарес (Бразилия) жоқ. Отандық басылымдардың болжамдарына сүйенсек, екеуінің де енді команда сапында қалулары екіталай.
Герсон Асеведо өткен маусымда сенімді толық ақтай алмаса, Бруно Соарес былтыр жарақат алып қалып, өткен маусымның басым бөлігін емделумен өткізді. Сірә, әлі спорттық бабына келе алмаған сияқты....
Сондай-ақ, «Қайраттың» бірінші оқу-жаттығу жиынында команда сапында өз мүмкіндіктерін паш етіп, сынақтан өткен ганалық Офос Аппиа мен қазақстандық неміс Вилли Евсеев те бұл жолы Түркияға аттанғандар арасынан көрінбейді. Сол секілді Нұрлан Дайыров пен Рифат Нұрмағамбет те тізімде жоқ.
Жалпы, өткен маусым аяқталғалы «Қайрат» сапындағы ресми ауыс-түйістер төмендегідей:
келгендер – Елдос Ахметов («Ертіс»), Стас Покатилов («Ростов», Ресей), Георгий Жуков («Урал», Ресей), Максим Гладченко («Бәйтерек»)...
кеткендер – Гаэль Тавамба, Анатолий Тимощук, Аслан Дарабаев («Ертіс»), Виталий Ли («Атырау»), Андрей Сидельников («Ақтөбе»).