Алдымен айта кетейік, бүгін Германия құрамасының бас бапкері тағайындалды. «Реал», «Бешикташ», «Шахтер Донецк», «Леванте», «Хетафе», «Малага» клубтарының экс-бас бапкері Бернд Шустер Қазақстанға Германия құрамасын бастап келеді. Оның жаттықтыруымен EXPO СUP додасында бас жүлдеге Дитар Бурденски, Дариуш Вош, Фабиан Эрнст, Томас Брдарич, Тим Боровски, Хольгер Фах сынды футболшылар доп тебеді. Айтпақшы, соңғысы 2010-2011 жылдары Астананың «Локомотив» клубын жаттықтырған.

Жалпы, Германиядан бөлек, Қазақстан астанасына Италия, Португалия, Ресей және сапында Эрнан Креспо, Гаиска Мендьета, Жан-Пьер Папен, Яри Литманен, Жереми Нжитап, Александр Шовковский ойнайтын Әлем құрамасы келеді. Ойындардың барлығы «Астана-Арена» стадионында өтіп, матчтар 6х6 жүйесі бойынша «қорап-алаңда» ойналады.

Ұйымдастыру комитеті осы турнирге арнайы билеттер де сата бастады. Оны ғаламтордан немесе кассалардан алуға болады. Бағасы 2000 теңге. Сондай-ақ, бұл билеттер ЭКСПО павильондарын кешкі уақытта аралап көруге жарамды.

Ал кеше турнирдің ойындар кестесі бекітіліп, Қазақстан футболшыларының бірінші ойында Германия құрамасымен кездесетіні белгілі болды. Сондай-ақ, топтық кезеңде Нұрбол Жұмасқалиев, Мұрат Тілешев, Андрей Карпович бастаған жерлестеріміз Әлем құрамасына қарсы алаңға шығады. "В" тобында Италия, Ресей және Португалия құрамалары бақ сынайды.

EXPO-2017 CUP ойындар кестесі

5 тамыз.  «Астана Арена» стадионы, топтық кезең 
12:00 – 12:45. Қазақстан – Германия (А тобы) 
13:00 – 13:45. Италия – Ресей (В тобы) 
14:00 – 14:30. Салтанатты ашылу шарасы 
14:45 – 15:30. Әлем құрамасы – Қазақстан (А тобы) 
15:45 – 16:30. Португалия – Италия (В тобы) 
16:45 – 17:30. Германия – Әлем құрамасы (А тобы) 
17:45 – 18:30. Ресей – Португалия (В тобы)

6 тамыз. «Астана Арена» стадионы, финалдық ойындар 
13:30 – 14:15. Бесінші орын үшін (3А – 3В) 
14:30 – 15:15. Үшінші орын үшін (2А – 2В) 
15:30 – 16:15. Финал (1А – 1В) 
16:30 – 17:15. Марапаттау рәсімі.