Қазақстан ұлттық құрамасы 20-24 наурыз аралығында Никосияда (Кипрде) оқу-жаттығу жиынын өткізетін болыпты. Осы жиын барысында Кипр құрамасымен жолдастық кездесу өткізу де жоспарланған екен. Аталған матч 22 наурыз күні Никосия қаласындағы GSP стадионында өтеді.

Бұл – 2018 жылғы Әлем чемпионатының іріктеу турнирі аясындағы кезекті матчқа дайындық. Өздеріңіз білесіздер, Қазақстан ұлттық құрамасы келесі ойынын 26 наурыз күні, яғни Кипрдегі жолдастық кездесуден төрт күннен кейін Ереванда Армения құрамасымен өткізеді.

Осы ретте айта кетейік, Қазақстан құрамасы 2018 жылғы Әлем чемпионатының іріктеу турнирінде Еуропаның «С» тобында бақ сынайды. Әзірше төрт ойыннан екі ұпай ғана еншілеп, соңғы орында тұр. Ал Армения – бізден бір саты жоғары және бір ұпайы артық.